करमाळा/प्रतिनिधी
मुख्यमंत्री एकनाथ शिंदे, आरोग्य मंत्री प्रा. तानाजीराव सावंत, जिल्हा संपर्कप्रमुख शिवाजीराव सावंत यांच्या सहकार्याने करमाळा शहराच्या विकासाची २ कोटी रुपयांचा निधी मंजूर झाला असून या रस्त्याची कामे चांगल्या दर्जाची व्हावीत यासाठी शिवसेना दक्ष राहणार असल्याची माहिती शिवसेनेचे जिल्हाप्रमुख महेश चिवटे यांनी पत्रकार परिषदेत दिली.
यावेळी तालुका प्रमुख देवानंद बागल, शहर प्रमुख संजय शीलवंत, युवा सेनेचे जिल्हा समन्वयक निखिल चांदगुडे, तालुकाप्रमुख राहुल कानगुडे, शहर प्रमुख विशाल गायकवाड, महिला आघाडी तालुकाप्रमुख प्रियंका गायकवाड, उपशहर प्रमुख नागेश गुरव, महिला आघाडी शहर प्रमुख पुष्पाताई शिंदे, रंभापुरा शाखाप्रमुख निलेश चव्हाण आदी पदाधिकारी उपस्थित होते.
श्रावण नगर येथे रस्ते डांबरीकरण व गटार काम काम करणे ५५ लाख रुपये, राशिन पेठतील रस्ता डांबरीकरण करणे २५ लाख रुपये, राशीन पेठ रस्त्याच्या दोन्ही बाजूने गटार बांधकाम करणे ३० लाख रुपये, कृष्णाजी नगर ते नेटके हॉस्पिटल रस्ता डांबरीकरण करणे २० लाख, नेटके हॉस्पिटल ते बाहुबली घर ते वीर बिल्डिंग रस्ता डांबरीकरण करणे ३ लाख रुपये, निकम घर ते राजमाने घर काँक्रीट गटार बांधणे १० लाख रुपये, रामभाऊ दळवी घर ते सुरेश लोणकर घर काँक्रीट रस्ता व गटार काम करणे ३० लाख रुपये अशा प्रकारे २ कोटी रुपयांचा निधी नगर विकास खात्याच्या वैशिष्ट्यपूर्ण नगर विकास निधीतून मंजूर करण्यात आला आहे.
करमाळा शहरातील सिमेंट काँक्रीट रस्त्याचा १५ कोटी रुपये व करमाळा बायपास मौलाली माळ सात नळाच्या विहिरीच्या बाजूने थेट पुणे रस्ता या बायपास मंजूर रस्त्यासाठी १२ कोटी रुपयांचा प्रस्ताव देण्यात आला आहे. आरोग्य मंत्री प्रा. तानाजीराव सावंत यांच्या उपस्थितीत लवकरच या कामां संदर्भात मंत्रालयात बैठक होणार आहे. अशी माहिती जिल्हाप्रमुख महेश चिवटे यांनी दिली आहे.
कामे दर्जेदार करा- प्रा. शिवाजीराव सावंत
मुख्यमंत्री एकनाथ शिंदे साहेब यांनी दिलेल्या निधीचा वापर योग्य प्रकारे करावा. सद्य रस्त्या व गटार बांधकामाची कामे उच्च दर्जाची इस्टिमेट प्रमाणे करावी. ठेकेदारावर लक्ष देऊन चांगल्या दर्जाची कामे करून घेण्यासाठी शिवसैनिकांनी दक्ष राहावे. असे आवाहन शिवसेना जिल्हा संपर्कप्रमुख प्रा. शिवाजीराव सावंत यांनी केले.
About The Author
