श्रीराम प्रतिष्ठानचे कार्य माणुसकी जपणारे; जिल्हा क्षयरोग अधिकारी मिनाक्षी बनसोडे यांचे गौरवोद्गार

प्रतिनिधी/ऋषिकेश चव्हाण

श्रीराम प्रतिष्ठानची अन्नपूर्णा या नावाने चालवली जाणारी निराधारांसाठी दोन वेळच्या जेवणाची योजना ही अतिशय उल्लेखनीय तर आहेच पण श्रीराम प्रतिष्ठान करीत असलेले हे कार्य माणुसकी जपणारे आहे. असे प्रशंशोद्गार सोलापूर जिल्हा क्षयरोग अधिकारी बनसोडे मॅडम यांनी काढले. श्रीराम प्रतिष्ठानच्या वतीने जागतिक आरोग्य दिनानिमित्त आयोजित कार्यक्रम प्रसंगी त्या बोलत होत्या.

जागतिक आरोग्य दिनानिमित्त करमाळा तालुक्यातील ७४ क्षयरोग पिडीतांना श्रीराम प्रतिष्ठानने दत्तक घेतले. यानिमित्त त्यांनी करमाळा येथे येऊन प्रतिष्ठानच्या कार्याची पाहणी करून या चांगल्या कामाचे कौतुक केले. यावेळी प्रतिष्ठानचे अध्यक्ष श्री गणेश चिवटे म्हणाले की, करमाळा तालुक्यातून क्षयरोग हद्दपार करणे ही प्रतिष्ठानची पर्यायाने आमची सुद्धा सामाजिक बांधिलकी आहे. म्हणूनच या ७४ पीडित व्यक्तींना दरमहा प्रतिष्ठानच्या माध्यमातून कोरडा शिधा दिला जाणार आहे. या कार्याचा शुभारंभ जिल्हा क्षयरोग अधिकारी मीनाक्षी बनसोडे यांच्या हस्ते करण्यात आला.

यावेळी प्रतिष्ठानचे सदस्य भीष्माचार्य चांदणे सर यांनी प्रास्ताविकातून उपस्थितांना प्रतिष्ठानच्या कार्याची ओळख करून दिली. पुढे बोलताना ते म्हणाले की, प्रतिष्ठानचे अध्यक्ष गणेश चिवटे हे अतिशय तरल सामाजिक जाणीवा असणारे नेते आहेत. त्यामुळे त्यांच्या मार्फत असे समाज उपयोगी उपक्रम सातत्याने राबवले जात आहेत.

याप्रसंगी विलास आबा जाधव महाराज यांनी आपल्या मनोगतात ‘या योजनेची गरज’ याविषयी अतिशय मार्मिक भाष्य केले. ते म्हणाले की, अशा चांगल्या कार्याची फळे आपल्याला नक्कीच चांगल्या स्वरूपात मिळतील. त्यामुळेच जसे जमेल तसे प्रत्येकाने अशा चांगल्या कामाचा भाग होऊन जगावे.

याप्रसंगी श्रीराम प्रतिष्ठान, करमाळा या बहुउद्देशिय सामाजिक संस्थेच्या माध्यमातून संस्थेचे अध्यक्ष गणेश चिवटे यांच्या हस्ते करमाळा तालुक्यातील क्षयरूग्णांना राष्ट्रीय क्षयरोग दुरीकरण कार्यक्रमातंर्गत निश्चय मित्र या योजनेतंर्गत पोषण आहार किट वितरित करण्यात आले.

यावेळी जिल्हा क्षयरोग अधिकारी डॉ. मिनाक्षी बनसोडे, निवासी वैद्यकिय अधिकारी डॉ. श्रीकांत कुलकर्णी, वैद्यकिय अधिक्षक (करमाळा) डॉ. गजानन गुंजकर, वैद्यकिय अधिकारी (करमाळा) डॉ. बंडगर, जिल्हा पी.पी.एम. समन्वयक राजकिरण भुताळे, वरिष्ठ क्षयरोग उपचार पर्यवेक्षक महम्मद यूसूफ चौधरी, नानासाहेब चव्हाण, नागराज यलसंगे, वरिष्ठ क्षयरोग प्रयोगशाळा पर्यवेक्षक गजानन विभुते, समुपदेशक ART कपिल भालेराव, क्षयरूग्ण व त्यांचे नातेवाईक तसेच श्रीराम प्रतिष्ठानचे सदस्य किरण बोकन, बाळासाहेब कुंभार, रामभाऊ ढाणे, काकासाहेब सरडे, जयंत काळे पाटील, शरद कोकीळ, संजय किरवे, विनोद इंदलकर आदी कार्यकर्ते व पदाधिकारी उपस्थित होते.

About The Author

संपादक:- ऋषिकेश चव्हाण

See author's posts