प्रतिनिधी/ अंगद भांडवलकर
शिवसेना वैद्यकीय मदत कक्ष तळागाळातील रुग्णांसाठी मदतीचा आधार केंद्र ठरत असून आरोग्याच्या संदर्भात मदत मिळवण्यासाठी वैद्यकीय मदत कक्षाशी संपर्क साधावा. असे आवाहन शिवसेनेचे उपजिल्हाप्रमुख महेश चिवटे यांनी केले. शिवसेनेचे युवा नेते पर्यावरणमंत्री आदित्य ठाकरे यांच्या वाढदिवसानिमित्त युवासेना, महिला आघाडी व शिवसेनेच्या वतीने करमाळा येथे जयवंतराव जगताप सभागृहामध्ये मोफत आरोग्य तपासणी शिबिराचे आयोजन केले होते.
या शिबिरात जवळपास पाचशे रुग्णांची ईसीजी सह ब्लडप्रेशर सर्व आरोग्याच्या तपासणी करून मोफत त्यांना औषधे देण्यात आली. ज्या रुग्णांना शस्त्रक्रियेची गरज आहे अशा रुग्णांची यादी करून त्यांच्यावर ठाणे येथील गंगुबाई संभाजी शिंदे हॉस्पिटलमध्ये मोफत उपचार करून देण्यात येणार आहेत. तसेच बायपास शस्त्रक्रिया खंडाळा येथील मानसी हॉस्पिटल मध्ये मोफत करून देण्यात येणार आहे.
या शिबिरासाठी वैद्यकीय मदत कक्षाचे माढा लोकसभा प्रमुख आदिराज कोठडिया, डॉ. अमोल मोटे, डॉ. लोकरे, महिला आघाडी तालुकाध्यक्षा प्रियंकाताई गायकवाड, माजी शहरप्रमुख संजय शीलवंत, उपशहरप्रमुख संतोष गांगुर्डे, युवा नेते राहुल कानगुडे, दादा तनपुरे, पत्रकार नासीर कबीर, अशोक नरसाळे, विशाल घोलप, अविनाश जोशी, सिद्धार्थ वाघमारे, युवा सेनेचे शहर प्रमुख विशाल गायकवाड, सागर गायकवाड, लक्ष्मण भोसले, अण्णा सुपनर, आदिनाथ इरकर आदींसह शेकडो शिवसैनिक उपस्थित होते.
मानसी हॉस्पिटल खंडाळा यांच्या डॉक्टर चमूने रुग्णांची तपासणी केली. यावेळी प्रत्येक रुग्णाला एक महिन्याची औषधे मोफत देण्यात आली.
शिवसेना वैद्यकीय मदत कक्षाच्या वतीने लवकरच करमाळा शहरात रक्तपेढी बँक व डायलिसिस सेंटर उभा करण्याचा मनोदय शिवसेनेचे उपजिल्हाप्रमुख महेश चिवटे यांनी व्यक्त केला व ही सेवा पूर्णपणे मोफत देण्याचा निर्णय घेण्यात आला. आदित्य ठाकरे यांना दीर्घायुष्य लाभावे म्हणून करमाळ्यातील जागृत असून महादेवाच्या खोलेश्वर मंदिरात महेश चिवटे यांच्या हस्ते अभिषेक करण्यात आला.
About The Author
