प्रतिनिधी/ऋषिकेश चव्हाण
प्रेस संपादक व पत्रकार सेवा संघाची करमाळा व माढा तालुका कार्यकारिणी नुकतीच जाहीर करण्यात आली आहे. संस्थापक अध्यक्ष डी. टी. आंबेगावे सरांच्या आदेशानुसार व पुणे जिल्हाध्यक्ष आप्पासाहेब लोखंडे यांच्या मार्गदर्शनाखाली तसेच सोलापूर जिल्हा महिला अध्यक्षा सौ. आशाताई चांदणे यांच्या अध्यक्षतेखाली दोन्ही तालुका कार्यकारिणीच्या निवडी जाहीर करून नवनिर्वाचित पदाधिकाऱ्यांना उपस्थित मान्यवरांच्या हस्ते नियुक्ती पत्र वाटप करण्यात आले.
नवनिर्वाचित कार्यकारिणी अशी
करमाळा तालुका कार्याध्यक्षपदी बाळासाहेब भिसे, जेऊर शहर अध्यक्षपदी आबासाहेब झिंजाडे, करमाळा तालुका सह उपाध्यक्षपदी दादा शिंदे सर, करमाळा तालुका संपर्कप्रमुखपदी खराडे सर, करमाळा तालुका सह सचिवपदी अक्षय वरकड, टेंभूर्णी शहर अध्यक्षपदी क्रांतीदिप लोंढे तसेच संजय चांदणे, प्रदिप पवार, श्रीमंत दिवटे यांची सदस्यपदी निवडी जाहीर करण्यात आल्या. या कार्यक्रमाचे सूत्रसंचालन नाथा सावंत यांनी केले तर आभार श्री. कुंदन वजाळे यांनी मानले.
यावेळी बोलताना सोलापूर जिल्हा महिला अध्यक्षा आशाताई चांदणे यांनी प्रेस संपादक व पत्रकार सेवा संघाचे कार्य व उद्दिष्ट यांच्याबद्दल सविस्तर माहिती दिली. माढा तालुका उपाध्यक्ष नाथा सावंत यांनी आपल्या प्रास्ताविकात प्रेस संपादक व पत्रकार सेवा संघाच्या कार्याची व संस्थापक अध्यक्ष डी. टी. आंबेगावे सरांचे कार्य कौतुकास्पद असल्याचे प्रतिपादन केले. जिल्हा महिला सचिव प्रमिला जाधव यांनी प्रेस संपादक व पत्रकार सेवा संघाच्या माध्यमातून संपूर्ण महाराष्ट्रात पत्रकार व त्यांच्या कुटुंबासाठी संघटना कार्य करीत असल्याचे सांगितले.
यावेळी प्रेस संपादक व पत्रकार सेवा संघाचे सोलापूर जिल्हा पदाधिकारी, करमाळा तालुका अध्यक्ष अंगद भांडवलकर, तालुका सचिव हर्षवर्धन गाडे तसेच माढा तालुका पदाधिकारी व पत्रकार उपस्थित होते.
About The Author
