करमाळा/प्रतिनिधी
माढा लोकसभा मतदारसंघाचे खासदार रणजितसिंह नाईक निंबाळकर यांच्या निधीतून करमाळा तालुक्यातील खडकेवाडी फाटा ते खडकेवाडी गावठाण रस्ता मंजूर झाला असून या कामाचे भूमिपूजन भाजपाचे जिल्हा सरचिटणीस गणेश चिवटे यांच्या हस्ते संपन्न झाले आहे. देवळाली ग्रामपंचायत अंतर्गत येणाऱ्या खडकेवाडी येथे करमाळा – जेऊर हायवे पासून गावापर्यंत जाणारा मुख्य रस्ता हा अनेक वर्षापासून नादुरुस्त होता. त्यामुळे खडकेवाडी येथील शेतकरी, शाळकरी मुले यांना अनेक अडचणीना सामोरे जावे लागत होते.
खासदार रणजिसिंह निंबाळकर यांनी खासदार निधीतून या रस्त्यासाठी २८.५० लाख रुपये निधी दिल्यामुळे या रस्त्यामध्ये सुधारणा होणार आहे. गेल्या चार दिवसांपुर्वी चिवटे यांनी पिंपळवाडी येथे जिल्हा नियोजन मंडळातून लोक उपयोगी असणाऱ्या रस्त्याचे खडीकरण व मुरमीकरण यासाठी तीन लाख रुपये निधीच्या रस्त्याचे भूमिपूजन केले होते.
यावेळी महाराष्ट्र चॅम्पियन अफसर तात्या जाधव, वाशिंबेचे उपसरपंच अमोल पवार, झरेचे ग्रामपंचायत सदस्य सोमनाथ घाडगे, किरण शिंदे, अजित शिंदे, प्रवीण शेळके, बंडू शेळके, कल्याण शेळके ग्रामपंचायत सदस्य, अशोक जाधव, शहाजी जाधव, भारत चौधरी, गोरख शिंदे, संजय चौधरी ग्रामपंचायत सदस्य, भैय्याराज गोसावी, पंकज बिचितकर, आजीनाथ शेळके, भागवत शिंदे, श्रीरंग शेळके, जांबुवंत शेळके, प्रज्वल जगदाळे, नवनाथ जाधव, संदीप शेळके, जोतिराम शेळके, अक्षय शेळके, तुळशीराम शेळके, इंद्रजित शिंदे, विठ्ठल जाधव, कैलास जगदाळे, चैतन्य चौधरी, धनंजय शिंदे, वैभव चौधरी, सतीश शिंदे आदी ग्रामस्थ उपस्थित होते.
About The Author
