प्रतिनिधी/ऋषिकेश चव्हाण
करमाळा येथील श्रीराम प्रतिष्ठान हे नेहमी सामाजिक कार्यात अग्रेसर असते. श्रीराम प्रतिष्ठान मार्फत याही वर्षी सामाजिक बांधिलकी जपत करमाळा शहरातील गणेश विसर्जन मिरवणुकीच्या बंदोबस्तासाठी असलेल्या पोलीस बांधवांना दोन वेळचे जेवण देण्यात आले.
श्रीराम प्रतिष्ठान हे दरवर्षी सामाजिक बांधिलकी जपत वेगवेगळे उपक्रम राबित असते. यामध्ये शालेय विद्यार्थ्यांना रोज संध्याकाळी मोफत भात-भाजी वाटप तसेच करमाळा शहरातील वृद्ध निराधार लोकांना दोन वेळचे मोफत जेवण देत असते. असे सामाजिक उपक्रम राबवित असताना गणेश विसर्जन मिरवणुकीमध्ये जे पोलीस बांधव बंदोबस्तासाठी असतात अशा कर्मचाऱ्यांना मिरवणुकीमध्ये हॉटेल व दुकाने बंद असल्यामुळे जेवणाचे हाल होऊ नये यासाठी श्रीराम प्रतिष्ठानचे संस्थापक अध्यक्ष गणेश चिवटे यांच्या संकल्पनेतून हा कार्यक्रम राबविण्यात आला. या कार्यक्रमाचे करमाळा पोलीस ठाण्याचे नूतन पोलिस निरीक्षक मा. जोतीराम गुंजवटे साहेब यांनी कौतुक करत श्रीराम प्रतिष्ठानचे कार्य कौतुकास्पद असल्याचे गौरवोद्गार काढले.
यावेळी श्रीराम प्रतिष्ठानचे संस्थापक अध्यक्ष गणेश चिवटे, जगदीश अग्रवाल, रामभाऊ ढाणे, अफसर जाधव, काकासाहेब सरडे, अमोल पवार, पप्पू शिंदे, दिनेश गायकवाड करमाळा पोलीस स्टेशनचे पोलीस बंधू, पदाधिकारी व कार्यकर्ते उपस्थित होते.
About The Author
