करमाळा प्रतिनिधी/अंगद भांडवलकर
करमाळा तालुक्याचे आ. संजयमामा शिंदे यांनी महाराष्ट्र राज्याचे जलसंपदामंत्री ना. जयंत पाटील साहेब यांच्याकडे कुकडी प्रकल्पातून मांगी तलावात बंद पाईपलाईनद्वारे पाणी सोडण्याच्या कामासाठी चे सर्वेक्षण करावे असे आदेश मा. कार्यकारी संचालक महाराष्ट्र कृष्णा खोरे विकास महामंडळ यांना द्यावेत अशी विनंती दिनांक १० ऑगस्ट रोजी पत्राद्वारे केली होती. या पत्राची तात्काळ दखल घेऊन ना. जयंत पाटील यांच्या जलसंपदा विभागाने महाराष्ट्र कृष्णा खोरे महामंडळाला सदर कामाचे तात्काळ सर्वेक्षण करून अंदाजपत्रक तयार करण्याचा आदेश जारी केला आहे.
वर्षभरापूर्वीच आ. संजयमामा शिंदे यांनी जलसंपदा मंत्री यांचेसोबत झालेल्या बैठकीत कुकडीचे पाणी मांगी तलावात बंद पाईपलाईन द्वारे सोडण्याचा विषय घेतलेला होता. प्रत्यक्षात सर्वेक्षण करून अंदाजपत्रक तयार करण्याचा आदेश मिळाल्यामुळे मांगी तलावात कुकडीचे पाणी बंद पाईपलाईनद्वारे येण्याचा मार्ग सुकर झाला आहे.
About The Author
