📰 मंत्रिमंडळाची बैठक: राज्यातील ऊस गाळप हंगाम ‘या’ तारखेपासून सुरू करण्यास मंजुरी

मुंबई – माय मराठी न्यूज नेटवर्क

मुख्यमंत्री देवेंद्र फडणवीस यांच्या अध्यक्षतेखाली आज मंत्रालय येथे राज्यातील साखर कारखान्यांच्या 2025-26 या वर्षातील गाळप हंगामासंदर्भात धोरण निश्चित करण्यासाठी मंत्रिमंडळाची महत्त्वाची बैठक पार पडली. या बैठकीत राज्यभरातील साखर कारखान्यांचा गाळप हंगाम 1 नोव्हेंबर 2025 पासून सुरू करण्यास मंजुरी देण्यात आली.

या बैठकीस उपमुख्यमंत्री अजित पवार यांच्यासह वित्त विभागाचे वरिष्ठ अधिकारी, तसेच साखर आयुक्तालयाचे व संबंधित विभागांचे अधिकारी उपस्थित होते. बैठकीत ऊस गाळप हंगाम सुकरतेने पार पाडण्यासाठी व शेतकऱ्यांचे हित लक्षात घेऊन विविध उपाययोजना करण्याबाबतही चर्चा झाली.

सरकारकडून हंगाम सुरू होण्याआधी शेतकऱ्यांना अडचण येऊ नये यासाठी काटेकोर नियोजन करण्याचे निर्देश देण्यात आले. तसेच कारखानदार व शेतकरी यांच्यातील समन्वय वाढवून वेळेत गाळप पूर्ण करण्यावर भर देण्यात आला.

About The Author

संपादक:- ऋषिकेश चव्हाण

See author's posts